Magnús Agnar Magnússon

Magnús Agnar Magnússon, KSÍ umboðsmaður

Magnús Agnar er fæddur 5. mars árið 1974 í Reykjavík. Hann lék knattspyrnu og handknattleik með KR upp yngri flokkana og var 16 ára gamall þegar hann spilaði sinn fyrsta meistaraflokksleik með KR í handknattleik en á sínum ferli spilaði Magnús Agnar m.a. með KR, Stjörnunni, KA, Gróttu/KR og Team Helsinge (DK). Hann spilaði m.a. yfir 500 leiki með meistaraflokki og einnig með öllum yngri landsliðum Íslands. Með A landsliðinu lék hann 4 landsleiki.

Magnús Agnar vann lengi sem yfirmaður hjá Símanum áður en hann og hans fjölskylda fluttu til Danmerkur. Þar var hann m.a. atvinnumaður í handknattleik, stundaði nám og önnur störf.

Magnús Agnar tók umboðsmannapróf KSÍ í september 2006 og hóf þá störf sem slíkur. Hann hefur verið búsettur síðan 2004 í Kaupmannahöfn en er nú um stundir með fast aðsetur í Reykjavík. Hann á konu og unga dóttur.

Næstu námskeið:

Árangursrík liðsheild

Árangursrík liðsheild – námskeið haldið í Endurmenntun Háskóla Íslands
Á námskeiðinu verður farið yfir aðferðir til að efla liðsheild og auka samstarfsvilja í fyrirtækjum og stofnunum. Það hefur sennilega sjaldan verið mikilvægara en nú, á tímum mikilla og hraðra breytinga í samfélaginu, að hlúa að þáttum sem snúa að samskiptum og samheldni á vinnustöðum.

Á þessu hnitmiðaða námskeiði mætast sjónarmið afreksíþrótta og stjórnunar í kraftmikilli blöndu tveggja reyndra leiðbeinenda sem nálgast viðfangsefnið frá sjónarhorni félagsfræði og sálfræði.

Á námskeiðinu verður leitast við að finna svör við spurningum eins og:
Hvað einkennir samstillt lið?
Hvað einkennir hugarfar liðsmanna í árangursríkri liðsheild?
Hvernig er hægt að bæta samskipti, sjálfstraust og seiglu liðsmanna?
Hvernig er hægt að skapa umgjörð og menningu fyrir árangursríka liðsheild?

Kennsla fer fram í formi fyrirlestra, hópavinnu og hagnýtra verkefna þar sem leitast verður eftir að þátttakendur byggi upp eigin verkfærakistu til að takast á við knýjandi verkefni á sviði stjórnunar.
Mið. 7., 14. og 21. mars kl. 13:00—16:00 (3x)
Verð: 28.500 kr.
Kennarar: Jóhann Ingi Gunnarsson og Viðar Halldórsson

Fræðslunámskeið fyrir foreldra

Fræðslunámskeið fyrir foreldra ungra og metnaðarfullra íþróttamanna.

Hugarfar og næring afreksfólks

Fræðslunámskeið ætlað ungu og metnaðarfullu íþróttafólki og foreldrum.
Í boði fyrir íþróttfélög og sveitarfélög á landsbyggðinni.

Melar Sport ehf. á Facebook